Міне, тағы бір оқу жылы да өз мәресіне жетті. Ол қандай болды? Әр түрлі - мазмұнды, күрделі, қуанышты, жаңалықтар мен сынақтарға толы.
Бүгін осы сұрақтарға жалпы мектептік қорытынды ата - аналар жиналысында жауап ізделді.
Жиналыс барысында өткен оқу жылының «Адал Азамат - Біртұтас тәрбие» бағдарламасын жүзеге асыруға арналғаны атап өтілді.
Аталған бағдарлама оқу үдерісінде де, тәрбие жұмыстары барысында да сәтті енгізіліп, жүзеге асты.
.Екінші мәселе - балалардың жазғы демалысын ұйымдастыру және олардың қауіпсіздігін қамтамасыз ету болды.
Бұл тақырып аясында ата - аналарға жазғы демалыс кезінде балалардың бос уақытын тиімді өткізу жолдары түсіндірілді. Мектеп жанындағы лагерьлер мен қосымша үйірмелер туралы ақпарат берілді.
Сонымен қатар, балалардың жаз мезгілінде қауіпсіздігін сақтау - басты назарда екені айтылды.
Атап айтқанда:

• жолда жүру ережелерін сақтау,
• су айдындарында шомылу кезіндегі қауіпсіздік,
• интернеттегі қауіптерден қорғану,
• жалғыз серуендеуге жол бермеу секілді маңызды ережелер еске салынды.

Ата - аналарға балаларды бақылауда ұстау, олармен ашық сөйлесу және қауіпсіздік шараларын үнемі ескертіп отыру қажеттігі айтылды.